09/08/2026
ကားဆို အဖြူရောင်မှတဲ့ ...
ဟုတ်ပါတယ်။ ကျနော်တို့ နိုင်ငံမှာတော့ ကားဝယ်သူ အတော်များများက ကားအရောင်ကို
အဖြူရောင်မှသာ အကြိုက်များတတ်ကြပါတယ်။
ကားပိုင်ရှင်တော်တော်များများကလည်း
"အနက်ရောင်ကားတွေက အစင်းရာအရမ်းလွယ်တယ် ဖုန်တင်လွယ်တယ် ညစ်ပတ်လွယ်တယ်" လို့ ပြောလေ့ရှိကြပါတယ်ဗျ။ မျက်မြင်အရတော့ ဟုတ်ပါတယ်ဗျ။
ဒါပေမယ့် တကယ်တော့ အများထင်ကြသလို အနက်ရောင်ကားတွေဟာ အခြားအရောင်ကားတွေထက် အစင်းရာပိုဖြစ်တာ မဟုတ်ပါဘူး။
ပိုပြီး ဖုန်တင်လွယ် ညစ်ပတ်လွယ်တာလည်းမဟုတ်ပါဘူး။ တခြားအရောင် အထူးသဖြင့် အဖြူရောင်ထက် ပိုမိုထင်ရှားစွာ မြင်ရတာသာ ဖြစ်ပါတယ်ခင်ဗျ။
ဘာကြောင့် ပိုမြင်ရတာလဲဆိုရင် အနက်ရောင်ဟာ အလင်းရောင်ကို အများဆုံး စုပ်ယူသော အရောင်ဖြစ်တာကြောင့်ပါ။ အထူးသဖြင့် ကားရဲ့ Clear Coat သို့မဟုတ် လိုက်ကာပေါ်မှာပါ။ ဒါကြောင့် နေရောင်အောက် သို့မဟုတ် မီးရောင်အောက်မှာ ကြည့်လိုက်ရင် Swirl Markများနဲ့ Hologramများဟာ တခြား အရောင်တွေထက် ပိုပြီးထင်ရှားစွာ မြင်တွေ့ရခြင်း ဖြစ်ပါတယ်ဗျ။
ဥပမာ ။ ။ နေအရမ်းပူတဲ့အချိန် အနက်ရောင် ဝတ်ထားသူထက် အဖြူရောင် သို့မဟုတ် အရောင်ဖျော့ဝတ်ထားသူဟာ အလင်းစုပ်ယူမှု့သက်သာလို့ အပူဒဏ်ကို အနက်ရောင်ဝတ်သူထက် လျော့ပါးပြီးခံစားရတတ်တာမျိုးပါ။
ဒါကြောင့် အဖြူရောင်ကား သို့မဟုတ် ငွေရောင်နဲ့
အရောင်ဖျော့သော ကားများဟာ အရောင်ဖျော့သောကြောင့် အလင်းရောင် ပြန်လည်ရောင်ပြန်မှု ကွာခြားချက် နည်းပါးပြီး မျက်စိဖြင့် သိသာစွာ မမြင်ရခြင်းသာ ဖြစ်ပါတယ်ဗျ။
"အဖြူရောင်ကားမှာ အစင်းရာမရှိဘူး" ဆိုတာ မဟုတ်ပါဘူး။
"ရှိနေပေမယ့် မြင်ရမလွယ်ဘူး"
ဆိုတာက ပိုမှန်ပါတယ်။
ဘာကြောင့် အဖြူရောင်ကားတွေက သန့်ရှင်းနေသလို ထင်ရတာလဲ?
ကားပိုင်ရှင်အများစု သတိထားမိကြတဲ့ အချက်တစ်ခုကတော့ အဖြူရောင်ကားတွေဟာ အခြားအရောင်ကားတွေထက် ဖုန်မတင်သလို မြင်ရတာသာ ဖြစ်ပါတယ်။
တကယ်တော့ ဖုန်တင်နှုန်းက အရောင်ကြောင့် မပြောင်းလဲပါဘူးဗျ။
အဖြူရောင်ကားပေါ်မှာလည်း ဖုန်တင်ပါတယ်။
ဒါပေမယ့် ဖုန်အရောင်နှင့် ဆေးသားအရောင် ကွာခြားမှု နည်းတဲ့အတွက် မျက်စိနဲ့ သတိထားမိဖို့ ခက်ခဲတာ ဖြစ်ပါတယ်။
အနက်ရောင်၊ အပြာရောင် နက်နက်၊ ခဲရောင်နက်နက် ကားတွေမှာတော့ ဖုန်မှုန့်လေး တင်ရုံနဲ့တောင် သိသာနေတတ်တာပါခင်ဗျာ။
နောက်ထပ် Post မှာတော့ယခုလို ဖုန်တင်ပြီး ညစ်ပတ်လွယ်တဲ့ ကားတွေကို ဘယ်လိုထိန်းသိမ်းသင့်သလဲ? ဆိုတာလေး တင်ပေးပါ့မယ်ဗျ။
ကားပိုင်ရှင်များ အဆင်ပြေကြပါစေ။ 🤗
Car Detailing နဲ့ပတ်သက်ပြီး အလုပ်အပ်နှံသည်ဖြစ်စေ မအပ်နှံသည်ဖြစ်စေ Lucky Star Car SPA & Detailing ကို ဆက်သွယ် မေးမြန်းနိုင်ပါတယ်ခင်ဗျာ ။ 😊
Address
Lucky Star ဆိုင်ခွဲ (1)
အမှတ်(၃၅၇)၊အထက်ဗဟိုလမ်း၊မရမ်းကုန်းမြို့နယ်၊သမိုင်း City Mark နှင့် ပါရမီ စိန်ဂေဟာအနီး၊ရန်ကုန်မြို့။
Lucky Star ဆိုင်ခွဲ (2)
အမှတ်(၁၃၂)၊အထက်ဗဟိုလမ်း၊ဘောဂသိဒ္ဓိလမ်းသွယ်၊မရမ်းကုန်း(၂)ရပ်ကွက်၊သမိုင်းမုဒိတာအိမ်ယာနှင့်Aurora Ygn Hotelအနီး၊ရန်ကုန်မြို့။
Booking Phone
09795677115
09441445515
်တန်း
်တန်း
