الألمانية لزمبكة اللجان الإلكترونية

01/02/2026

معلومة على السريع، ٩٥٪؜ أو أكتر من اللي بيتنشر دلوقت من أخبار وصور وفيديوهات عن المتورطين في قضية ابستين مفبرك. وقاعدة كده أي حد بينشر تسريب بدون لينك المصدر على موقع وزارة العدل الأمريكية يبقى مفبرك التسريب أو بيشيرله زي الحمار لأن مفيش مصدر اخر للمعلومة.

بيفكروني بموجة التسريبات المفبركة اللي تم نسبها لويكليكس وملفات بوديستا وأوراق بنما. الكذبة بتتشير مئات الالاف والتصحيح بالمئات لو حظه كويس.

ومش معنى إن التسريب على هواك يبقى صحيح.

12/01/2026

صفحة متخصصة لنشر صور أطفال موتى أو بيحتضروا.
في صفحات كتير وانفلونسرز فلسطينيين كتير شغالين لم تبرعات أو عبيد الشير والفولورز بيعملوا كده وأكل عيشهم هو حلب المأساة وكان استمرارها طموح عندهم.

دي صفحة منهم بيديرها غالبا شخص فلسطيني/ة من مصر.
بس يحسسك إنه قاعد في قلب الحدث

03/01/2026

في أحد الأشخاص على الفيسبوك مؤخرا إستلمه جماعة ما بشراء ألاف التفاعلات على بوستاته بأغضبني عشان قال غالبا رأي فقهي لم يعجبهم ... أولا دي صفحته
https://www.facebook.com/yasr.slmy.367360..
حتلاقي كل مشاركاته مؤخرا كلها أغضبني، لو دخلت على التفاعلات حتلاقي كل المتفاعلين تقريبا أسماء أجنبية...
مش حأرغي كتير لأني شيرت بالفعل طريقة خلق التفاعلات الوهمية بمبالغ ضئيلة توصل دولار للألف تفاعل في البوست السابق.
بس ده المثال اللي خلاني أعيد مشاركة الطريقة، لو حد عنده صفحة بابليك أو حتى الشيخ ياسر سلمي نفسه يحب، ممكن نعمله التجربة بالعكس وفي نص ساعة يجيله الاف القلوب الحمراء على أي بوست يحبه :D
الخلاصة، السوشيال ميديا أغلبها إشتغالات ولا تعبر عن نبض الشارع ولا الرأي العام ولا أي حاجة.

03/01/2026

إعادة نشر لفيديو عملناه من 5 سنين عن تنظيم أضحكني وأغضبني مع تجربة عملية بمناسبة إني شفته بيتعمل مع أحد الأزاهرة أما كتب رأي فقهي غير مرضي عنه من السلفيين.

01/01/2026

حدث بالفعل:
في فترة ما من حياتي كنت شغال في مكان بيتردد عليه سفراء سابقين/ وكان أحد السفراء دول يمثل مصر في دولة خليجية وكنا بنقعد نتكلم كتير عن ذكرياته وقالي حاجة لزقت في دماغي كل ما اسمع عن اي خلاف خليجي.
أما كان سفير جاله مسئولين كبار في الدولة الخليجية اللي بيعمل فيها وطلبوا منه تدخل مصر دبلوماسيا لصالح دولتهم بشكل ما حتى لو بيان.
السفير نزل محمل بالرسالة الشخصية وقابل ساعتها وزير الخارجية المصري واللي أكد عليه عدم التدخل على الإطلاق وقاله إن دول الخليج بتتخانق دايما مع بعضها ويقطعوا بعض ويطلبوا تدخل مصر وبعدين مشاكلهم تخلص ويتصالحوا بفنجان قهوة وواحد يبوس كتف التاني ويتهموا مصر إنها هي اللي كانت عايزة توقع بينهم.
وفعلا بقى مبدأ من مبادئ الدبلوماسية المصرية هو عدم التدخل في الخلافات الخليجية اللي مهما كبرت بتخلص في الأخر في "قعدة عرب" ومصر بتبقى left out من القعدة دي.
الموضوع ده حصل أسوأ منه بين قطر والسعودية وبين الإمارات ، لو حد فيكم يتذكر استضافت السعودية احد أمراء قطر عبدالله بن علي حفيد أول أمير بعد إنتهاء الوصاية البريطانية والتلميح بموافقة السعودية على إنه يتولى الحكم من تميم أل ثاني ثم الترويج لسلطان بن سحيم وأخرون، وكل مرة ينتهي الخلاف بقعدة وصلح يرعاه الكبار.
فيا ريت الإخوة من الشعب المصري مينجرفوش لدعم أي طرف من الأطراف ضد الطرف الأخر عشان بيبقى شكلنا وحش أما يتصالحوا ويبوسوا بعض.
معتقدش إن الموقف الرسمي المصري أبدا حيتورط في الخلاف ده فيا ريت متورطوناش إنتم.

28/12/2025

في بريطانيا النهاردة الدنيا مقلوبة على تهنئة رئيس الوزرا لعلاء عبدالفتاح بمناسبة وصوله بريطانيا
طلعوا له تويتاته القديمة بالذات ضد الصهاينة و" الإمبريالية البيضاء" واستخدموها في أقوى حملة ضد الوزارة الحالية أشوفها من ساعة تولي السلطة.
علاء شغال مسح في التويتات بس الناس خدت سكرينات.

إيلون ماسك شارك في الهيصة هو كمان.

03/12/2025

نصاب كوري بيلم تبرعات من سنين على حس إنه تحول للإسلام. كاتب إنه في أذربيجان وقبلها مصر وصفحاته على فيسبوك وإكس تدار من تونس وعمان.

23/11/2025

بعض من جامعي التبرعات على إنهم في غزة، زي الأخ/ت شادية اللي بيقول/تقول إنه في غزة وبيلم تبرعات ويعمل منشن للناس المشهورة لنشر التويتات طلع بروفايله بيدار من مصر ... في التعليقات حاحط بروفايلات ناس تانية برضه بتلم تبرعات على أساس إنها من غزة وهي خارجها.
(بالمناسبة مش مصري لأن ال app store بتاعه إسرائيلي يعني كانت في غزة فعلا في وقت ما بس خرجت وعجبتها لعبة لم التبرعات)

22/11/2025

شبكة قدس الإخبارية من أكبر الصفحات الناطقة بإسم حماس بنسختها بالإنجليزية واللي طلعت إيمانات مصر خلال الحرب بتشويه وهجوم... بتدار من مصر...
"وعايزني أكسبها؟".. بصوت محمود المليجي

22/11/2025

المنظمة "العربية" لحقوق الإنسان في "بريطانيا" ... تدار من تركيا والأردن.
المضحك إن الإصرار في شعارهم وإسم الصفحة وعنوان المنظمة عالفيسبوك إنهم "في بريطانيا" بينما الأدمنز أغلبهم في تركيا وكلامهم عن مصر والإمارات شبه حصرا.

22/11/2025

22/11/2025

تويتر سابقا - إكس حاليا - عمل تعديل يخلي دولة إدارة الحساب تظهر، إلحقوا خشوا بقى على اي صفحة نفسكم فيها من ال About حتشوفوا الصفحة تدار منين قبل ما يخفوها.
أنا خدت سكرين شوت لكام صفحة كده تسالي

منصة مزيد -- من تركيا
صحيح مصر -- من أمريكا
رصد - من تركيا (معروفة من زمان)
خمسة بالمصري -- من بريطانيا
الموقف المصري -- حاليا من السعودية بس الأدمن كان في أمريكا وتركيا سابقا
البوست السياسي -- من الإمارات
منظمة سيناء لحقوق الإنسان -- من بريطانيا

خشوا شوفوا أي صفحة كانت مريبة على الفيسبوك وحتلاقوا لها مثيل على إكس إعملوا له سكرين شوت وحطوه في التعليقات