23/03/2026
🌧️ محکمہ موسمیات کی اہم پیشگوئی: ملک بھر میں بارشوں اور ژالہ باری کا نیا سلسلہ! ⛈️
پاکستان بھر میں موسم ایک بار پھر کروٹ بدلنے والا ہے۔ محکمہ موسمیات کے مطابق 24 مارچ (رات) سے 31 مارچ کے دوران ملک کے بیشتر حصوں میں تیز ہواؤں، گرج چمک کے ساتھ بارش اور چند مقامات پر شدید ژالہ باری (Hailstorm) کا امکان ہے۔
📍 علاقائی صورتحال:
* بلوچستان: 24 سے 25 مارچ اور پھر 27 سے 29 مارچ کے دوران کوئٹہ، ژوب، زیارت اور ساحلی علاقوں سمیت بیشتر اضلاع میں بارش اور ژالہ باری متوقع ہے۔
* خیبر پختونخوا: چترال، سوات، ایبٹ آباد، پشاور اور دیگر علاقوں میں 25 سے 30 مارچ کے دوران موسلا دھار بارش اور پہاڑوں پر برفباری کا امکان ہے۔
* پنجاب و اسلام آباد: مری، گلیات، راولپنڈی، لاہور، فیصل آباد اور ملتان سمیت صوبے کے بیشتر شہروں میں 28 سے 30 مارچ کے درمیان بارش اور تیز ہوائیں چلنے کی توقع ہے۔
* کشمیر و گلگت بلتستان: ان علاقوں میں بارشوں کے ساتھ ساتھ پہاڑوں پر برفباری اور لینڈ سلائیڈنگ کا خدشہ ہے۔
* سندھ: کراچی، سکھر اور لاڑکانہ میں 25، 26 اور 29 مارچ کو گرج چمک کے ساتھ ہلکی سے درمیانی بارش ہو سکتی ہے۔
⚠️ ممکنہ اثرات اور احتیاطی تدابیر:
* ⛈️ تیز ہوائیں اور ژالہ باری: کھڑی فصلوں (خاص طور پر گندم) اور بجلی کے کھمبوں/سولر پینلز کو نقصان پہنچ سکتا ہے۔ کسان بھائی اپنے معاملات موسمی حالات کے مطابق ترتیب دیں۔
* 🌊 فلیش فلڈنگ: بلوچستان اور خیبر پختونخوا کے مقامی ندی نالوں میں طغیانی کا خطرہ ہے۔
* 🚗 سیاح اور مسافر: بالائی علاقوں کا سفر کرنے والے حضرات محتاط رہیں اور غیر ضروری سفر سے گریز کریں۔
اپنے پیاروں کو باخبر رکھنے کے لیے یہ پوسٹ شیئر کریں! 📲
