FMC Shop. 36 Chowk Bhakkar

27/10/2026

،،ضروری اطلاع برائے کسان حضرات،،

تمام کاشتکار بھائیوں کو اطلاع دی جاتی ہے کہ آج سے کسان کارڈ کی رجسٹریشن شروع ہے۔ ایسے تمام کاشتکار جن کا کسان کارڈ پہلے نہیں ہے اور وہ 1 سے 25 ایکڑ تک کے مالک ہیں وہ آج سے نئے کسان کارڈ کے لیے میسج کر سکتے ہیں۔ میسج میں
PKC
لکھیں اس کے بعد ایک مرتبہ سپیس دیں اور شناختی کارڈ نمبر بغیر ڈیش کے لکھیں اور 8070 پہ بھیج دیں۔
سم کا آپ کے شناختی کارڈ پہ رجسٹر ہونا اور 5 روپے تک کا بیلنس ہونا بھی لازمی ہے۔

ڈپٹی ڈائریکٹر محکمہ زراعت (توسیع )بھکر۔

18/10/2026

برسیم کی کاشت
برسیم موسم سرما کا ایک نہایت ہی اہم اور مقوی چارہ ہے۔ زیادہ تر اس کا تازہ حالت میں سبز چارہ جانورں کو کھلایا جاتا ہے۔ اگرچارہ فا لتوہو تو اس کا خشک چارہ (Hay) بھی بہت عمدہ بنتا ہے۔ اس کی اعلیٰ خصوصیات کی بنا پر اسے تمام چاروں کا بادشاہ بھی تسلیم کرلیا گیا ہے۔ عام طورپر اسے اکیلا ہی کاشت کیا جاتا ہے۔ لیکن بعض اوقات اس کو سرسوں اور جئی کے ساتھ ملاکر بھی کاشت کیا جاتا ہے۔ یہ ایک پھلی دار چارہ ہے اور اس کی جڑوں کی گانٹھوں میں ہوا سے نا ئٹروجن حاصل کرکے پودے کے استعمال میں لانے والے جراثیم کثیر تعدادمیں موجود ہوتے ہیں۔ یہی وجہ ہے کہ برسیم کاشت کرنے سے زمین کی زرخیزی بڑھ جاتی ہے۔ محکمانہ سفارشات اور دیگر زرعی عوامل کو بروئے کار لاکر اس سے50 ٹن فی ایکٹر تک چارہ حاصل کیا جاسکتا ہے۔ اس میں لحمیات ، کیلشیم اور حیاتین کافی مقدار میں پائے جاتے ہیں۔ اس کا چارہ کھلانے سے دودھیل جانورں کی دودھ کی پیداوار میں اضافہ ہوتا ہے۔

آب و ہوا

برسیم کو ایسی معتدل آب وہوا چاہیے جس میں نہ زیادہ گرمی ہو اور نہ ہی زیادہ سردی۔ اس فصل نے کسی حد تک گرم آب وہوا سے مطابقت پیدا کرلی ہے لیکن18 درجہ فارن ہائیٹ سے کم اس کا پودا زندہ نہیں رہ سکتا۔

زمین اور اس کی تیاری

برسیم کی فصل کیلئے بھاری اور بھاری میرا زمین نہایت ہی موزوں ہوتی ہے۔ البتہ یہ زمین میں 4.06 فیصد تک کلر کی مقدار برداشت کر سکتی ہے۔ زمین میں 3 تا4 مرتبہ ہل چلاکر سہاگہ دیں تاکہ زمین ہموار اور بھر بھری ہوجائے۔ زمین کا ہموار ہونا بہت ضروری ہے ور نہ نشیبی جگہوں پر پانی کے کھڑا رہنے اور اُونچی جگہوں پر پانی نہ پہنچنے کی وجہ سے فصل کا اُگاﺅ متاثر ہوگا اورنتیجتاً پیداوار میں کمی آئے گی۔

وقت کاشت وموزوں اقسام

زیادہ سے زیادہ پیداوار حاصل کرنے کیلئے بیج کی اچھی قسم کا انتخاب اور فصل کا صحیح وقت پر کاشت کرنا بہت ضروری ہوتا ہے۔ لہٰذا مختلف صوبوں کیلئے وقت کاشت اور موزوں اقسام درج ذیل ہیں:

صوبہوقت کاشتموزوں اقسامپنجابوسط ستمبر تا وسط اکتوبراگیتی برسیم، پچھیتی برسیم، انمول، سپر برسیم، لیٹ فیصل آبادسندھوسط ستمبر تا وسط اکتوبراگیتی برسیم، پچھیتی برسیم، انمول، سندھی، سپر برسیم، لیٹ فیصل آبادخیبر پختونخواہوسط ستمبر تا وسط اکتوبرپشاوری، پچھیتی، انمول، سپر برسیم، لیٹ فیصل آبادبلوچستانوسط ستمبر تا وسط اکتوبرپشاوری، اگیتی، پچھیتی ، انمول، سپر برسیم

شر ح بیج

شرح بیج کا انحصار زمین کی قسم، بیج کی قوت روئیدگی اور طریقہ کاشت پر ہوتا ہے۔ لہٰذا بیج ہمیشہ تندرست ، معیاری اور جڑی بوٹیوں سے پاک استعمال کرنا چاہیے۔ 6تا8کلوگرام بیج فی ایکٹر کے حساب سے ڈالیں۔ اگر بیج میں کاسنی کے بیج کی ملاوٹ ہو تو برسیم کے بیج کو 5 فیصد نمک کے محلول میں بھگودیں، کاسنی کا بیج پانی کی سطح پر تیرنے لگے گا جس کو آسانی سے علیحدہ کیا جاسکتا ہے۔

طریقہ کاشت

صحیح طریقہ سے تیار کیے گئے ہموار کھیت کے چھوٹے چھوٹے کیارے بنا کران کو پانی سے بھر لیں اور جب پانی کھیت میںمکمل طور پر کھٹرا ہوجائے تو برسیم کے بیج کا چھٹہ کریں۔ بہتر اور یکساں اُگاﺅ کیلئے ایک دفعہ چھٹہ لمبائی کے رُخ اور دوسری دفعہ چوڑائی کے رُخ دیں۔ شام کے وقت کاشت کرنے سے برسیم کی فصل کا اُگاﺅ اچھا ہوتا ہے۔ اگر برسیم بیج حاصل کرنے کیلئے کاشت کرنا ہو تو تروتر میں ایک ایک فٹ کے فاصلے پر لائنوں میں ڈرل سے کاشت کریں۔

کھادوں کا استعمال

درمیانی زمینوں کیلئے گوبر کی گلی سڑی کھاد 5 تا6 ٹرالی فی ایکڑبیجائی سے ایک ماہ قبل کھیت میںیکساں بکھیر کرزمین میں اچھی طرح ملادیں۔ گوبر کی کھاد میسر نہ ہو تودو بوری ڈی اے پی فی ایکڑبوقت بوائی ڈالیں۔ یا 4بوریSSP+ایک بوری یوریا فی ایکڑ یا ایک بوری نائٹروفاس+3بوری SSPڈالیں۔

آبپاشی

آبپاشی کا انحصار موسمی حالات پر ہوتا ہے برسیم کی اچھی پیداوار حاصل کرنے کیلئے 10 تا15 آبپاشیاں درکار ہوتی ہیں۔ اگر بوائی بذریعہ چھٹہ کی گئی ہو تو پہلے دو پانی سات دن کے وقفہ سے دینے چاہیں تاکہ اُگاﺅ اچھا ہو سکے اس کے بعد حسب ضرورت پانی دیں۔ شدید کورے اور سخت سردی کے دنوں میں پانی ہر ہفتے لگانا چاہیے بیج حاصل کرنے کیلئے وتر میں ڈرل سے کاشت کردہ فصل کو پہلا پانی بجائی کے تین ہفتے بعد دینا چاہیے۔

برسیم کا ٹیکہ

جس کھیت میں برسیم کی بوائی پہلی دفعہ کی جارہی ہو ، اس کھیت میں سابقہ برسیم والے کھیت سے 5 من جراثیم آلودہ مٹی لا کر ڈالنی چاہیے۔اس کے علاوہ قومی زرعی تحقیقاتی مرکز (BNF) یا شعبہ بیکٹریالوجی، ایوب زرعی تحقیقاتی ادارہ، فیصل آباد سے برسیم کے بیج کا ٹیکہ حاصل کرکے اسے محکمانہ سفارشات کے مطابق زمین میں ڈالیں اس سے پیداواری نتائج حوصلہ آفزا ہوںگے۔

مخلوط کاشت

برسیم کے ساتھ اگر جئی ملاکر کاشت کی جائے تو چارے کی پہلی کٹائی کی پیداوار اور غذائی صلاحیت بڑھ جاتی ہے اور برسیم کی بیماری (جڑ کی سٹرن) کا حملہ بھی بہت کم ہوتا ہے۔ برسیم کے ساتھ سرسوں یا توریا بھی ملا کر کاشت کیا جاسکتا ہے۔ جئی کے ساتھ مخلوط کاشت کی صورت میں تیار کھیت میں جئی کا بیج بحساب 14 تا 16 کلوگرام فی ایکڑ بکھیر کر ہلکا سہاگہ دیں تاکہ بیج مٹی میں مل جائے اور بعد میں کیارے بناکر پانی کیاروں میںکھڑاکرکے برسیم کا چھٹہ بحساب 8 کلوگرام فی ایکڑ دیں۔

نقصان دہ کیڑے، بیماریاں اور ان کا انسداد

چارے والی فصل پر زہر پاشی نہیںکرنی چاہیے۔ خوش قسمتی سے یہ پودا جتنامفید ہے اُتنا ہی یہ نقصان رساں کیڑوں اور بیماریوں سے محفوظ ہے ورنہ اس کے نرم و نازک پتوں اور شاخوں کو دیکھ کر یہ اندازہ ہوتا ہے کہ جس طرح یہ تمام جانورں کا مرغوب چارہ ہے اسی طرح کیڑے اور بیماریاں بھی اس پر کثرت سے حملہ کرتے ہوںگے۔ عام مشاہدہ میں آیا ہے کہ جب برسیم کی کاشت زیادہ نمکین اور سخت زمین یا کلر والی زمین میں کی گئی ہو اور شروع میں پانی کی قلت بھی ہو تو برسیم کی اُوپر والی شاخیں مڑنے لگتی ہیں۔ اس کے بعد جب موسم قدرے ٹھنڈا ہوجاتا ہے تو فصل خوب بڑھنے لگتی ہے۔ البتہ لشکری سنڈی کے حملے کی صورت میں سیٹوارڈ بحساب 125 تا140 ملی لیٹر فی ایکڑ سپرے کرنے سے اس پر قابو پایا جاسکتا ہے۔

بیماریاں اور ان کا علاج

جڑ کا کھیڑا یا گلاو

(Barseem Root Rot) یہ بیماری ایک پھپھوند (Rhizoctonia solani) سے لگتی ہے۔ اس بیماری کے حملہ کے بعد اچانک ہی پودا مرجھا جاتا ہے۔ اس بیماری سے متاثرہ پودے آسانی سے کھینچنے پر نکالے جا سکتے ہیں۔ متاثرہ پودوں کی جڑ کی چھال گلی ہوئی اور اتری ہوئی نظر آتی ہے۔ فصل کو بیماری سے بچانے کیلئے جس کھیت میں پچھلے سال گلاو¿ کی بیماری لگی ہو تین سے چار سال وہاں برسیم کاشت نہ کریں تو بہت حد تک بیماری کم ہو جاتی ہے۔ یہ بیماری دیسی اقسام کی بجائے مصری بیج (مسقاوی) پر زیادہ حملہ آور ہوتی ہے۔ بیج کو کربینڈازم بحساب2.5گرام فی کلو بیج لگا کر کاشت کریں۔

تنے کا گلاؤ (Stem Rot )

یہ بیماری ایک پھپھوند(Phytophthora megaspora) سے لگتی ہے۔ اس بیماری کے حملہ کی صورت میں پودے کے تنے کے نچلے حصہ پر دھنسے ہوئے دھبے بن جاتے ہیں۔ اس متاثرہ جگہ سے تنا گل جاتا ہے اور سیاہ رنگ کا ہو جاتا ہے۔ پودے مرجھا کر سوکھ جاتے ہیں۔ فصل کو بیماری سے بچانے کیلئے کھیتوں کو ہموار رکھیں تا کہ نشیبی جگہوں پرپانی کھڑا ہونے نہ پائے۔ پانی زیادہ لگانے سے اجتناب کریں۔ جس کھیت میں یہ بیماری پائی جائے اس میں کٹائی کے بعد مقامی توسیع عملہ کے مشورہ سے مناسب زہر استعمال کریں اور متاثرہ کھیت میں تین تا چار سال برسیم کاشت کرنے سے اجتناب کریں۔

برسیم کا سڑنا (Barseem White Mould)

یہ بیماری ایک پھپھوند(Sclerotinia trifoliorum) سے لگتی ہے۔ اس بیماری کی وجہ سے سفید روئی کے گالوں کی طرح کی پھپھوند زمین اور پودوں پر نظر آتی ہے۔ جس سے پودے گلنا شروع ہو جاتے ہیں اور آخر کار مرجھا جاتے ہیں۔ یہ بیماری کھیت میں ٹکڑیوں کی صورت میں نظر آتی ہے۔ اس بیماری کا حملہ عموماً جنوری، فروری میں دیکھا گیا ہے۔علاج کی خاطر زمین کی تیاری کے وقت گہرا ہل چلایا جائے۔ زمین کو ہموار رکھا جائے اور زیادہ پانی لگانے سے اجتناب کیا جائے۔ فصل کی کٹائی کے بعد مقامی توسیعی عملہ کے مشورہ سے مناسب زہر کا سپرے کریں۔

انتھرا کنوز (Anthracnose)

یہ بیماری ایک پھپھوند(Collectotrichum Trifoli) سے لگتی ہے۔ اس بیماری کے حملہ کی صورت میں پتوں اور تنوں پر گہرے بھورے بیضوی شکل کے دھبے بنتے ہیں۔ شدید حملہ کی صورت میں تنے گل جاتے ہیں اور پودے مرجھا جاتے ہیں۔ فصل کی کٹائی کے بعد مقامی توسیعی عملہ کے مشورہ سے مناسب زہر کا سپرے کریں۔

کٹائی

برسیم کی فصل چونکہ باربار پھوٹنے کی صلاحیت رکھتی ہے اور 5 تا6 کٹائیاںدیتی ہے لہٰذا یہ جاننا اشد ضروری ہے کہ اسے کتنی اُونچائی سے کاٹا جائے مختلف تجربات سے یہ بات واضح ہوئی ہے کہ برسیم کی کٹائی تقریباً زمین سے ڈیڑھ یا دو اِنچ اُوپر رکھ کرکرنی چاہیے، اس سے بہت سارے شگوفے دوبار پھوٹتے ہیں۔ کٹائی کے درمیانی وقفہ کا مجموعی پیداوار پر اثر پڑتا ہے لہٰذا ہر کٹائی کا درمیانی وقفہ تقریباًایک سے ڈیڑھ ماہ ہونا چاہیے۔

بیج والی فصل کی کٹائی اور گہائی

جب فصل پک کر تیار ہوجائے تو کٹائی میں دیر نہیں کرنی چاہیے۔ بیج کیلئے چارے کی کٹائی 20 مارچ کے بعد روک دینی چاہیے۔ فصل کی کٹائی صبح کے وقت کرنی چاہیے۔ تاکہ بیج والی ڈوڈی ٹوٹ کر زمین پر نہ گرے اور بیج کا نقصان نہ ہو۔ فصل کو کٹائی کے بعد چھوٹے چھوٹے بنڈلوں میں باندھ لیں اور مکمل خشک ہونے پر ٹریکٹر یا تھریشرسے اِس کی گہائی کر لیں۔

بیج کو سٹور کرنا

برسیم کے بیج کی اچھی طرح صفائی کرکے پٹ سن کی بوریوں میں ڈال لیں۔ پلاسٹک کے تھیلوں میں بیج ہر گز نہ ڈالیں کیونکہ ان میں نمی پیدا ہونے کی وجہ سے بیج کو پھپھوند ی کی بیماری لگنے کا خطرہ ہوتا ہے۔

پیداوار

برسیم کی سبز چارے کی مجموعی پیداوار 35 تا40 ٹن فی ایکڑ ہے لیکن اگر تمام زرعی عوامل اور محکمانہ سفارشات پر پُوری طرح عمل کیا جائے تو 50 ٹن فی ایکڑ تک سبزچارہ حاصل کیا جاسکتا ہے۔

غذائیت

برسیم کا چارہ غذائیت کے لحاظ بہت اعلیٰ کوالٹی کا ہوتا ہے۔ جوکہ درج ذیل غذائی گوشوارہ سے عیاں ہے۔

خشک مادہ 15.5 ریشہ دار اجزا 20.8 لحمیات 19.6 نمکیات 15.2 چکنائی 1.9 غیر نائٹروجن مرکبات 42.5

16/10/2026

16/10/2026

زمیندار بھائیو! کنفیوژن چھوڑیں، نقصان سے بچنے کا یہ فارمولا اپنائیں! 🤔🌾
کہتے ہیں نا کہ "سارے انڈے ایک ہی ٹوکری میں کبھی نہیں رکھنے چاہئیں!" کیونکہ اگر ٹوکری گر جائے تو سارے کے سارے انڈے ٹوٹ جاتے ہیں۔ یہی مثال ہماری کھیتی باڑی کی بھی ہے۔
اکثر دیکھنے میں آتا ہے کہ ہمارے زمیندار بھائی فصلوں کے انتخاب میں الٹی سیدھی الجھن کا شکار ہو جاتے ہیں۔ کبھی منڈی کا ریٹ دیکھ کر سارا کا سرا رقبہ کینولہ یا رایا کی طرف لے جاتے ہیں، کبھی سارے 10 ایکڑ پر گندم کاشت کر دیتے ہیں اور کبھی پورا رقبہ کماد کے نام کر دیتے ہیں۔ پھر جب فصل پکنے کے بعد منڈی میں ریٹ اوپر نیچے ہوتا ہے یا کوئی موسمی آفت آتی ہے تو پچھتاتے ہیں کہ "کاش! سارا رسک ایک ہی فصل پر نہ لیا ہوتا۔"
ایک عقلمند اور کامیاب زمیندار وہی ہے جو اپنے رزق اور رقبے کو بانٹ کر کاشت کرتا ہے تاکہ ہر حال میں منافع محفوظ رہے۔
💡 10 ایکڑ کے لیے پرفیکٹ اور محفوظ فارمولا:
اگر آپ کے پاس کل 10 ایکڑ زمین ہے، تو سارے انڈے ایک ٹوکری میں رکھنے کے بجائے اپنے رقبے کو اس طرح بانٹیں:
* 4 ایکڑ گندم (Wheat): تاکہ گھر کی ضرورت بھی پوری ہو اور روایتی آمدن بھی یقینی رہے۔
* 4 ایکڑ کینولہ / رایا (Canola/Mustard): جو کم وقت اور کم اخراجات میں تیار ہو کر آج کل منڈی میں بہترین ریٹ دے رہی ہے۔
* 2 ایکڑ کماد (Sugarcane): جو آپ کو طویل المدتی اور پائیدار بچت فراہم کرتا ہے اور فارم کا بجٹ مضبوط بناتا ہے۔
(نوٹ: اگر آپ کماد نہیں لگانا چاہتے تو اس کی جگہ 2 ایکڑ پر برسیم/چارہ یا موسمی سبزیاں جیسے آلو، مٹر، یا پیاز بھی کاشت کر سکتے ہیں جو روزمرہ کی کیش فلو اور بہترین منافع فراہم کرتی ہیں!)
🎯 اس حکمت عملی کے زبردست فائدے:
* نقصان سے مکمل تحفظ: اگر خدانخواستہ کسی ایک فصل کا ریٹ گر بھی جائے یا موسم متاثر کرے، تو دوسری فصلیں اس کا نقصان فوراً پورا کر دیتی ہیں۔
* پانی اور کھاد کی بچت: الگ الگ فصلوں سے زمین کی طاقت برقرار رہتی ہے اور یکدم پانی یا کھاد کا بوجھ بھی نہیں پڑتا۔
* پچھتاوے سے نجات: آپ ہر فصل کے اچھے ریٹ سے فائدہ اٹھا سکتے ہیں۔
🔥 ابھی فیصلہ کریں!
ہم نے آپ کو نقصان سے بچنے کا آزمودہ فارمولا بتا دیا ہے۔ لیکن یاد رکھیں، ہر زمین کا مزاج الگ ہوتا ہے۔ نیچے دی گئی ڈسکرپشن کو تفصیل سے پڑھیں اور اپنی زمین اور وسائل کے مطابق صحیح فیصلہ کریں۔
پچھتانے سے بہتر ہے کہ آپ اپنی اچھی حکمت عملی آزمائیں، حکمت عملی سے کام لیں! ખેતી باڑی صرف قسمت کا کھیل نہیں، بلکہ صحیح منصوبہ بندی کا نام ہے۔
🌱

16/10/2026

Clock | کلاک

زمین کی تیاری میں استعمال کریں اور اپنی پیداوار میں یقینی اضافہ پائیں۔

14/10/2026

*سویرا-24 - مکمل تفصیل (ایوب ریسرچ فیصل آباد)*

سویرا-24 پنجاب کی سب سے نئی اور زیادہ پیداوار والی منظور شدہ قسم ہے، 2024 میں منظور ہوئی ہے۔ ایوب ریسرچ کے چیف سائنسدان ڈاکٹر ساجد الرحمن کے مطابق یہ گرنے اور گرمی برداشت کرنے والی لائن ہے۔

*بنیادی خصوصیات:*
- *منظوری سال:* 2024
- *بجائی کا بہترین وقت:* 1 نومبر سے 30 نومبر (بروقت کاشت)
- *قد:* 90-100 سینٹی میٹر (درمیانہ قد، ہوا سے گرتی نہیں)
- *پکنے کے دن:* 146-156 دن
- *شگوفے:* 380-400 فی مربع میٹر (جھاڑ بہت اچھا بناتی ہے)
- *پروٹین:* 13-15 فیصد

*پیداوار:*
- 7600 سے 7800 کلو فی ہیکٹر
- *76 سے 79 من فی ایکڑ* - اس وقت پنجاب کی منظور شدہ اقسام میں سب سے زیادہ

*بیماریوں کے خلاف:*
- پیلی کنگی (Yellow Rust) کے خلاف قوت مدافعت
- بھوری کنگی کے خلاف برداشت

*خاص خوبیاں:*
1. گرمی برداشت سب سے زیادہ - آخر میں درجہ حرارت بڑھ جائے تو دانہ سوکھتا نہیں
2. گرنے (Lodging) کے خلاف مضبوط - آندھی میں لیٹتی نہیں
3. خشک سالی برداشت
4. دانہ موٹا اور چمکدار

*سفارش:*
ہے۔ اگر آپ کی زمین اچھی اور پانی دستیاب ہے تو سویرا-24 سب سے زیادہ منافع دے گی۔

بیج کی مقدار: 50 کلو فی ایکڑ، ڈرل سے بجائی کریں۔ اور چھٹا بھی 50کلو گرام.

10/10/2026

🌾 وزیر اعلیٰ پنجاب کسان کارڈ ہولڈرز کے لیے بڑی خوشخبری اور اہم اعلان!

محکمہ زراعت حکومتِ پنجاب کی جانب سے کسان کارڈ کے حامل کسانوں کے لیے بل کی ادائیگی، رقم کی واپسی اور کروڑوں روپے کے قیمتی انعامات کا باضابطہ اعلان کر دیا گیا ہے۔

بل ادائیگی کا میسج:

معزز کسان کارڈ ہولڈرز کو استعمال شدہ رقم کی بل ادائیگی کا میسج 15 اکتوبر 2026 کو موصول ہوگا.

رقم جمع کرانے کی آخری تاریخ اور واپسی:

کسان اپنے ذمے واجب الادا رقم 26 اکتوبر 2026 تک جمع کروا سکتے ہیں.

رقم جمع کروانے پر 48 گھنٹوں میں دوبارہ رقم کی واپسی (Revolving Credit) کی سہولت فراہم کی جائے گی.

کروڑوں روپے کے قیمتی انعامات:

بروقت رقم جمع کروانے والے کسانوں کے لیے قرعہ اندازی میں کروڑوں روپے کے قیمتی انعامات رکھے گئے ہیں جن میں ٹریکٹرز، موٹر سائیکلیں اور موبائل فونز شامل ہیں.

📞 زرعی ہیلپ لائن:
کسی بھی رہنمائی یا شکایت کی صورت میں محکمہ زراعت پنجاب کے ایگریکلچرل ہیلپ لائن نمبر 0800-17000 پر رابطہ کیا جا سکتا ہے (روزانہ صبح 8 سے رات 8 بجے تک).

02/10/2026

محکمہ زراعت کی طرف سے تجویز کردہ گندم ورائٹی جاری کر دی گئی۔