17/08/2026
TARA, MAGTANIM TAYO!
Isang Kuwento ng Pagkakaisa, Urban Farming at Pag-asa ng Komunidad
Ang “Mula sa Bakanteng Lupa, Tungo sa Pagkain, Kabuhayan at Pag-asa” ay isang community-based publication na naglalahad ng karanasan, mga natutuhan, at pananaw ng mga residente ng Kaingin 1 at Kaingin 2, Barangay Pansol, Quezon City sa kanilang pakikilahok sa urban farming.
Sa pamamagitan ng orientation, hands-on activities, pagtatanim at pagtutulungan, ipinakita ng mga residente na ang urban farming ay hindi lamang tungkol sa pagtatanim ng gulay. Ito ay maaaring maging daan tungo sa food security, kalusugan, kabuhayan, pangangalaga sa kapaligiran, pagkatuto, at pagkakaisa ng komunidad.
Mula sa isang maliit na punla, nabubuo ang isang halaman. Mula sa isang halaman, maaaring magkaroon ng pagkain. Mula sa pagkain, maaaring magkaroon ng kabuhayan. At mula sa pagtutulungan, nabubuo ang isang komunidad na may pag-asa at paninindigan para sa kinabukasan.
Ang publication na ito ay nagsisilbing community documentation, visual story, at mensahe ng pagkakaisa ng mga residenteng naniniwalang hindi kailangang magsimula sa malaki.
🌱
