10/04/2025
Laundryserye
"Nakakahinayang naman, benta na nawala pa!" Yan ang nasa isip ko habang papalayo ang isang walk-in prospect sa shop namin nung isang araw. Buena mano ko pa naman sana siya nung araw na yon. Sayang. Hmmm...
Ganito kasi ang nangyari. 9 kg ang dala niyang laundry. Max 8 kg lang kami per load sa washer. Kaya sabi ko 2 washers na po ang kailangan niyang bayaran.
Sabi nya, "Bakit sa kabilang shop, ok lang sa kanila sa isang washer? Kasya naman sa washer. Pareho lang naman kayo ng washer. Dapat pwede din sa inyo."
"Overloading na po kasi pag more than 8 kg. Hindi na po makaikot mabuti ang mga damit kaya hindi na maganda ang wash. Suggestion ko, piliin nyo na lang ang papalabahan nyo at sa next visit nyo naman yung iba.", paliwanag ko.
"Ah, ganon ba? Pipila na lang ako sa kabila, doon pwede dito hindi!", inis na sinabi ni customer.
At ayon na nga. Lumakad na palayo si customer bitbit ang 9 kg nyang laundry. Noon ako nanghinayang.
Sabi ko sa sarili ko, sayang naman customer din yon. Pero wala na ako nagawa. Pinalampas ko na lang.
Ngayong umaga lang, may sumilip sa shop at nagsabi, "Pwede patulong sa laundry? Madami e. Nasa car."
Siyempre dali-dali ako sumalubong at sumagot, "Good morning po! Yes po. Tulungan ko kayo!"
Pumunta kami sa car niya. At ayon nga! Punong-puno ang trunk nya pati backseat may labada! Wow! Jackpot!
Dalawang balik kami bago naubos ang dala niyang laundry.
Sa shop, nag weigh at nag assess ako at lumabas need nya ng 6 na washer loads para malinis lahat. Siya pa ang nag sabi na ihiwalay ang mga lights sa colored at ang comforter na dala nya, isang load na yon.
Pati supplies sa amin na din nya kinuha. Drop-off din nya lahat kaya may additional pa for folding.
Nang i-total ko lahat babayaran niya at sinabi ko total bill, binayaran na ng buo at nang sabihin ko tomorrow morning na lahat makuha, sabi niya, "Ok lang sa hapon na siguro after work."
"Ay, opo! Walang problema.", naka ngiti kong sagot.
Pag alis ng customer, maya-maya, sinimulan ko na ang loading sa laundry nya. Ang saya. Madaming trabaho pero masaya.
Pagkaraan ng ilang sandali, may pumasok sa shop. Yung customer na may dalang 9 kg laundry nung isang araw.
"Boss, pwede magpa re-wash sa inyo?", bungad nya.
Sabi ko, "Re-wash po? Hindi naman po kayo nagpalaba sa amin nung isang araw."
"Ay sorry. Ibig ko sabihin magpapalaba ako sa inyo. 2 loads sabi mo last time di ba? Ok na sa akin. 2 loads mo na."
"Ok po. Ano po ba nangyari?"
"Pinila ko dun sa kabila kasi nga payag sila ng 1 load for 9 kg. Pero tama ka pala. Na realize ko na nung una ako nagpagawa sa kanila di ko napansin na may amoy ang labada ko.
Sa una lang mabango dahil iniis-spray nila ng pabango bago balutin. Ngayon umulit ako dun, ganun nanaman. Naalala ko ang sabi mo na hindi maganda ang wash pag overloaded.
Kaya, sige try ko ang sinabi mo. 2 loads for 9 kilos. Sana mas ok ang wash nyo."
Hindi ko lang masabi, "Of course, you moron!!!"
Ngumiti na lang ako at nag weigh at in-assess ko na ang laundry nya. For 2 loads. Binayaran din agad.
At kahit marami na ako nakapila pero bukas pa naman ng hapon kukunin, nag decide ako na unahin na ang 2 loads nya. Kaya bago siya umalis, sabi ko, "Sir, mamayang hapon pwede mo na pick up 'to. Mga 5pm"
"Uy, thanks! Ang bilis a! Akala ko matagalan pa. Ganun kasi sa kabila. Pila."
Hindi na ako sumagot. Nag smile na lang ako.
Nang makalabas na sa shop ang customer, ang sabi ko na sa sarili ko, "May mga customers talaga na para sa akin. Kahit sa una parang hindi. Pero kung tama naman ang gawa ko, masasala din ang mga customers na para sa akin. Ang saya!"
-------
CTTO
