Årdal Utvikling

04/05/2026

Årdal har fått status som omstillingskommune, noko som gir nye moglegheiter for Årdal kommune til å styrke det lokale næringslivet og å skape framtidsretta arbeidsplassar.
Kommunen skal i saman med lokale verksemder, kompetansemiljø og innbyggjarane som viktige drivkrefter, leggje til rette for vekst, nyskaping og omstilling.
Gjennom tett samarbeid mellom næringsliv, kommune og lokalsamfunn ynskjer me å vidareutvikle Årdal som ein attraktiv stad å etablera, bu og arbeida – med lokal kraft i sentrum.

For meir detaljar om kva dette inneber og korleis det gagnar Årdal og samfunnet vårt, kan du lese artikkelen som er lenkja i kommentarfeltet.

På biletet ser du nokre av medlemane i arbeidsgruppa for omstillingssøknaden: Harald Husabø, Are Indrelid, Mette Hestetun Berg, Christian Sønstlien, Geir Hansen.

Foto: Sofie Moen.

Årdal kommune

27/04/2026

Årdal var i år vertskommune for Entreprenørskapsmessa 2026.
Eit arrangement av dette omfanget krev grundig planlegging og omfattande førebuingar, og Årdal Utvikling har vore tett involvert både i forkant av og under sjølve messa.
Mellom anna har me hatt ansvar for å knyte det lokale næringslivet tettare på gjennom bedriftsbesøk og bedriftsstands, i tillegg til å sikre sponsorar og føredragshaldar til eit opplegg for om lag 500 elevar.
Totalt har rundt 20 lokale verksemder i Årdal vore involverte.

Fredrik Jarstadmarken, rådgjevar i Årdal Utvikling, har hatt ein sentral rolle i planleggingsarbeidet frå start og fungerte også som jurydeltakar. Geir Hansen har vore på fleire rundar med bedriftsbesøk og spelt ei viktig rolle i logistikken på sjølve messedagen.

Årdal kommune og skulane har vist seg fram frå si beste side, og særleg imponerande har innsatsen til elevane vore. Dei har gjort ein framifrå jobb med produktutvikling, produksjon, økonomistyring og marknadsføring som gjev eit lovande bilete av framtida i Sogn.

Ein stor takk rettast til sponsorane: SpareBank 1 Sogn og Fjordane, Hydro Metallverk Årdal (Norsk Hydro), Årdal Energi Holding og Agnitio. Vi vil også rette ei særskild takk til Yvonne Romøren ved kortlevert.no for fire inspirerande og engasjerande føredrag til alle elevane denne dagen.

Foto: Ungt Entreprenørskap Vestland.

23/04/2026

Så kjekt at så mange møtte opp på Nettverkslunsjen vår om utvikling og omstilling i Årdal. Me ser fram til å dele meir informasjon i tida som kjem innan utvikling og omstillingsarbeidet 😊

26/03/2026

Skal du heim til Årdal i påsken? Er du nysgjerrig på kva Årdal byr på av moglegheiter?
Då må du ta turen innom Årdal Teknologipark måndag 30. mars mellom kl. 10.00-14.00🥳

Her møter du Eilin frå Sogn Kompetanse og Astrid og Fredrik i Årdal Utvikling som byr på kaffi og informasjon om Studentstova, arbeid og fritid i Årdal og Sogn.

Me ser fram til å treffe deg! ☕️

25/03/2026

🚀 Årets entreprenørskapsmesse i Årdal!

Tysdag 14. april går den regionale entreprenørskapsmessa i Sogn av stabelen i Årdalshallen – med rundt 500 ungdommar samla til ein dag med læring, kreativitet og samarbeid 🤝

Årdal Utvikling har hatt ansvar for å knyte det lokale næringslivet tettare på messa – og resultatet er blitt:
- Standar frå lokale bedrifter
- Plenumsføredrag
- Bedriftsbesøk rundt om i Årdal

Heile 30 elevbedrifter frå ungdomsskulane i Sogn skal vise fram idéane sine og konkurrere 💡
Dette er ein viktig møteplass der skule og næringsliv møtest – og der ungdom får innsikt i moglegheitene som finst lokalt.
Me gler oss til å bidra til ein dag fylt med skaparglede, inspirasjon og framtidstru 🌱

Messa i Årdal er den 17. i rekka som Ungt Entreprenørskap Vestland, System for styrka læring (Sognaregionen) og årets vertskommune arrangerer for ungdomsskulane i Sogn.

Årdal kommune

19/02/2026

13/01/2026

💡I Årdal er det rom for fleire gründerar – folk som tør å tenkje nytt, skape noko eige og bygge framtida her i bygda. Kanskje sit du på ein god forretningsidé, ein tanke du har leika med lenge, eller eit fysisk produkt du allereie har laga?

Då vil vi gjerne høyre frå deg!

Hos Årdal Utvikling kan du ta kontakt for ein heilt uformell prat. Me tilbyr råd, sparring og rettleiing for å hjelpe deg å ta ideen vidare – frå første tanke til noko som kan bli ei faktisk verksemd.

🚀 Anten du er heilt i startfasen eller allereie i gang:
Me heiar på deg!

Ikkje nøl med å ta kontakt – me er her for å hjelpe deg å lukkast som gründer i Årdal.

👉 Ta kontakt – så tek me ein prat.

📷Sofie Moen

18/11/2025

21/10/2025

Hugs påmelding til gründer og smb-kveld! Arrangementet er gratis og inkluderer matservering🤩

Har du ein gründer i magen, driv du eiga bedrift eller er du berre nysgjerrig på kva som rører seg i næringslivet i Sogn? 🚀

Tid: Mandag 10. november - 17.00–21.00
Stad: Årdal Teknologipark

Kvelden vert arrangert av Årdal Utvikling og Kunnskapsparken Vestland, med bidrag frå Sogn Sparebank👏

Sjå agenda her: https://www.teknologiveka.no/fagdag-10-november/

Påmelding her: https://www.teknologiveka.no/pamelding-3/

Bli med!

08/10/2025

Har du ein gründer i magen, driv du eiga bedrift eller er du berre nysgjerrig på kva som rører seg i næringslivet i Sogn? 🚀

Då er du hjarteleg velkomen til ein inspirerande kveld i Årdal Teknologipark!

Her møter du både det lokale og regionale næringsapparatet i Sogn, bank og andre viktige aktørar som kan hjelpe deg vidare med idéane dine. Du får høyre ekte gründerhistorier, få nyttige tips om synlegheit og marknadsføring – og ikkje minst sjansen til å bygge nettverk gjennom mingling og uformelle samtalar 💡

Arrangementet er gratis, og vi byr på både fagleg påfyll, mat og gode moglegheiter for å knyte nye kontaktar.

Tid: 17.00–21.00
Stad: Årdal Teknologipark

Kvelden vert arrangert av Årdal Utvikling og Kunnskapsparken Vestland, med bidrag frå Sogn Sparebank🤩