Eco Tirana

06/10/2026

10 vite më parë nisi një histori e veçantë bashkëpunimi mes Tiranës dhe Italisë, e cila do të shndërrohej në një nga shembujt konkretë të partneritetit mes dy vendeve.

Në fjalën e tij në ceremoninë e 10-vjetorit të Eco Tirana, Kryetari i Bashkisë së Tiranës, Z.Erion Veliaj, u kthye te fillimet e këtij rrugëtimi dhe te ideja që qëndroi në themel të krijimit të kompanisë.

Nga bashkëpunimi me partnerët italianë te sfidat e viteve të para dhe ndryshimet që kanë ardhur ndër vite, kjo histori është edhe historia e një Tirane që ka ndryshuar dhe e një shërbimi që është zhvilluar bashkë me qytetin.

Një dekadë më pas, Eco Tirana vijon të jetë pjesë e këtij rrugëtimi, duke e çuar përpara bashkëpunimin dhe përvojën e ndërtuar gjatë këtyre 10 viteve.💚🇦🇱🤝🇮🇹

06/10/2026

03/10/2026

Në 10-vjetorin e Eco Tirana, Ambasadori i Italisë në Shqipëri, z. Marco Alberti, ndau fjalën e tij mbi rëndësinë e këtij përvjetori dhe rrugëtimin e përbashkët që ka shoqëruar Eco Tirana që nga themelimi.

Në fjalën e tij, ai vlerësoi bashkëpunimin mes Shqipërisë dhe Italisë, si dhe rolin e partnerëve italianë në këtë histori, duke nënvizuar lidhjet e forta që kanë bërë të mundur ndërtimin dhe zhvillimin e këtij projekti gjatë këtyre 10 viteve.

Një dekadë e Eco Tirana-s është gjithashtu një dekadë bashkëpunimi, përvoje dhe shkëmbimi mes dy vendeve, me një histori që nisi në vitin 2016 dhe vazhdon të zhvillohet së bashku. 🇦🇱🇮🇹💚

02/10/2026

Një dekadë rrugëtim për Eco Tirana, e nisur në vitin 2016 si një bashkëpunim mes Bashkisë së Tiranës dhe Bashkisë së Veronës, e ndërtuar ndër vite përmes punës, përvojës dhe sfidave të përbashkëta.

Në ceremoninë e 10-vjetorit, Administratori i Deleguar i Eco Tirana,Z.Diego Testi, rikujtoi momentet dhe sfidat që kanë shoqëruar kompaninë që nga fillimi i aktivitetit, duke sjellë në vëmendje një histori të ndërtuar jo vetëm nga institucionet dhe partnerët, por mbi të gjitha nga njerëzit që kanë punuar çdo ditë për këtë kompani.🤝💚

Në fjalën e tij, ai shprehu mirënjohjen për punonjësit e Eco Tirana, për familjarët që i kanë mbështetur gjatë këtij rrugëtimi, si edhe për partnerët dhe bashkëpunëtorët ndërkombëtarë që kanë qenë pjesë e kësaj historie.

10 vite bashkëpunim mes Shqipërisë dhe Italisë, 10 vite punë, sfida dhe përvojë të përbashkët. Një histori që nisi me një ide dhe që sot vazhdon të ndërtohet çdo ditë, me të njëjtin angazhim për Tiranën. 💚

01/10/2026

Një tjetër zë që iu bashkua festimeve për 10-vjetorin e Eco Tirana ishte Daniele Polato, deputet i Parlamentit Evropian.

Përmes fjalëve dhe kujtimeve të tij, Z.Polato u ndal te rëndësia e këtij rrugëtimi dhe e bashkëpunimit që prej fillimit të Eco Tirana në vitin 2016.

Një moment për të kujtuar fillimet, për të vlerësuar atë që është ndërtuar dhe për të parë drejt hapave të ardhshëm.🇮🇹🇦🇱

10 vite Eco Tirana – një histori bashkëpunimi që vazhdon.

01/10/2026

Nuk mund të mungonte në këtë 10-vjetor një prej njerëzve që ishte pjesë e fillimit të historisë së Eco Tirana.

Z. Flavio Tosi, në atë kohë Kryetar i Bashkisë së Veronës, ishte pjesë e periudhës kur në vitin 2016 u hodhën hapat e parë drejt krijimit të Eco Tirana dhe forcimit të bashkëpunimit mes Veronës dhe Tiranës.

10 vite më pas, rikthimi i tij në Tiranë ishte një mundësi për të kujtuar atë fillim, rrugën e përshkuar dhe ndryshimet që kanë shoqëruar Eco Tirana gjatë kësaj dekade.

Një takim mes së shkuarës dhe së tashmes, me kujtime nga fillimet e një historie që vazhdon të shkruhet edhe sot. 🇦🇱🇮🇹💚