بكل سرور سوف نقوم بالعناية المكثفة لسيارتكم زيوت و مصافي
22/05/2025
بحمد الله قد تم تكليفي اليوم من قبل الفريق أول عبد الفتاح البرهان رئيس مجلس السيادة و القائد العام للقوات المسلحة بمنصب وزير شئون الزيت و المصافي بمحليه بحري بكامل الصلاحيات و لقد قبلت التكليف ......
و نسأل الله تعالى أن يوفقني لخدمة العربات و المواتر و الركشات بتقديم خدمة مميزه تصون كرامة و شرف الحديد السوداني ..... عاش الحديد السوداني ملاكي و اجره و شاحنات و حافلات حرا" عاليا خفاقا" و عاشت المواتر و تسقط الركشات و التكاتك
فريق خلا ميكانيكي
#السودان
#الخرطوم
#بحري
@
08/05/2025
عايشين في أمانة الله.... كيزان متأقلمين معاهم ..... بتاع ضرائب بتاع عوائد بتاع محليه ... نفايات يجي يتثاقل عليك يستكرتك يستنكحك يطلعك من طورك و الدنيا ماشيه ..... زبون غلس .... عامل مستهبل ... جار خالي موضوع يبرمج بيك .... ترجع البيت تخت ليك كرسي في الشارع أو تغشى رفع فراش أو عقد أو مريض في مستشفى تفرغ كل هموم النهار و تنووم مرتاح .....
ياخي تبا" للديمقراطيه و تبا" للحريه..... و تبا" للإطاري و تبا" لآل دقلو الحيين منهم و الميتين و من والاهم و من شايعهم ..... و تب ما عافين ليكم
06/05/2025
05/05/2025
و غداً يعود الوطن و حتماً نعود
01/05/2025
و تتوالى الانتصارات بالتقاء كتيبة ميدان المولد بلواء العمل الخاص في المنطقة X .... شكلو الدلالة حتكون في بريستو أوتو كير مؤقتاً حتى عودة الحياه لميدان المولد
( زي حكومة بورتسودان)
30/04/2025
المجد للبناشر ✌️
30/04/2025
مع إنه ما بحب مصطلحات ما بعد الحرب لكن عاجبني جداً مصطلح مصندد ..... أها سامي Sami Mirghani Makki ده مصندد من بداية الحرب جوووووه الأبيض.... ركز في ظل حصار و تدوين و تجويع من قبل المغضوب عليهم و الضالين .... سامي جاء من الأبيض و علينا دغري .... مرحب جدا بالمصنددين و الخير على قدوم الواردين..... غايتو بريستو الأيام دي حقو يبخروها 😍 .... قولو ما شاء الله
تاني منو القريب يجينا 🥰
29/04/2025
كنا فرشنا السكه ورود لو كلمتنا كان بالجيه
غايتو لو عارفين سكر بريستو بلم الحلوين كنا شتتناهو من زمان ..... حقيقة أنا كنت قايل بحري خلا ..... اليوم اكتشفت إنه أنا القاعد في الخلا .... و بعدك الفريق أصبح خلا
بوست امبارح ده نفض الغبار عن بريستو و بانت نجومها و تلألأت .... شرفتونا بقدومكم....
الباشمهندس خالد كمال علي مختار ( ود قلبا )
و سعادة الرائد طبيب / محمد عبد الملك
و اخونا ود ابونا الملازم أول شرطة سعيد على موسى
جيداً جيتو
حبابكم عشره
مقامكم زين
قنبو طولا
28/04/2025
طيلة الفترة الماضية و رغم رغبتي في انتهاء نار هذه الحرب بدحر هؤلاء المجرمين القتله.... و عودة الأمن و الاستقرار إلى السودان و بالذات بحري سر الهوى ( حقيقة ما قادر استوعب فكره العيش بقية حياتي لاجئ) لكن كمان في خوفه من الرجوع في ظل مخاوف من احتمال فوضى اللادولة و مجابهة بقايا سيكولوجية الحرب من السيئين من العسكر و مستنفريهم و الاجهزه الشرطيه و شرازم التحصيل من أهل المكوس ( الفئه الأخيرة دي بالذات طولت من جغم المواطن ) ..... وكانت فكرتي متمحوره فقط في إطار عودة مؤقته للملمة ما يمكن لملمته من ما تبقى للاستعانه به في وضع اللجوء و الدخول في بيات طويل حتى عودة البلد لحاله معقولة من الاستقرار السياسي و الاقتصادي والاجتماعي و الأمني
مكالمتان أعادتا لي تموضعي في المواقف ثم مقطع اغنيه
المكالمه الاولى من محمد علي المكانيكي في بريستو أوتو كير
يا رييس أنا راجع بريستو احرسها ليك و كان الله كاتب لي رزق بسترزق..... لفيت في الحرب دي ما خليت محل و استقريت في عطبرة و هسه القعده غلبتني و راجع بحري
يا زوووول تمشي تقعد كيف لا مويه لا كهرباء ؟؟؟؟
والله يا رييس الحرب دي ادتنا مناعه و بنتكييف مع كل الظروف
خير امشي الله يعدل طريقك و يغطي عليك
المكالمه التانيه من المحاسب محمد عواد
يا بوص متين ترجع و تفتح شغلك ؟ عايزين نواصل معاك المشوار
والله يا عواد بحري فاضيه نشتغل لي منو و نغيير زيت لياتو عربيه
يا بوص كان رجعنا و فتحنا الدرب الناس مصيرها ترجع و البلد حتماً حتعود و احسن من الاول كمان ( شفتو الطاقة الإيجابية ؟ )
عواد و محمد علي رجعو و فتحو الورشة و نضفوها و رتبوها..... و رتبو لي أفكاري و اعادو لي يقيني بالعودة و مواصلة المشوار.... و اعادو لي أمل إنه السودان لسه بخير و سواعد البناء لم تهدمها الحرب
Be the first to know and let us send you an email when بريستو أوتو كير posts news and promotions. Your email address will not be used for any other purpose, and you can unsubscribe at any time.
