24/06/2026
По синоќешните обилни врнжи на дожд каде што во многу краток временски период наврнаа околу 50 литри дожд на м², при што беа зафатени атарите на селата Кравари, Жабени, Егри и Бистрица, денес од рано изутрина екипите на АД Водостопанство – Битолско Поле излегоа на терен со механизација и активно интервенираат на критичните точки.
Благодарение на претходно исчистениот V одводен канал, како најголем реципиент кој во најголем дел ги прифати водите од Велушка река и останатите секундарни канали, а со тоа се избегнати поголеми последици. Екипите на АД Водостопанство – Битолско Поле остануваат на терен до целосно санирање на состојбата.
Повторно испраќаме апел до граѓаните,земјоделците и мештаните да не се фрла отпад во каналите, да не се прават диви премини и да не поставуваат несоодветни препреки, со ваквите постапки се нарушува проточноста на каналската мрежа и директно се зголемува ризикот од поплави.
