15/04/2026
සිංහල හා හින්දු අලුත් අවුරුද්දේ අතිශය වැදගත් චාරිත්රයක් ලෙස “නැකතට හිස තෙල් ගෑම” හැඳින්විය හැකිය. මෙය සරල චාරිත්රයක් වුවද, එහි අර්ථය ශාරීරික, මානසික සහ ආධ්යාත්මික වශයෙන් ඉතා ගැඹුරු එකක් වේ. හිස මනුෂ්ය ශරීරයේ උත්තමාංගය ලෙස සලකන බැවින්, එයට කරන මෙම සත්කාරය සෞඛ්යය සහ සුවතාවය වර්ධනය කිරීමේ සංකේතයක් ලෙස පවතී.
මනුෂ්ය හිස කෙස් සෑම එකක්ම ස්නේහ ස්රාවී ග්රන්ථි සමඟ සම්බන්ධ වී ඇති අතර, මෙම ග්රන්ථි මගින් නිපදවන ස්වභාවික තෙල් කෙස්වල ලිහිසි බව, මෘදු බව සහ ආරක්ෂාව රඳවා ගනී. එසේම, කේශ මූලයන්ට හොඳ රුධිර සැපයුමක් තිබීම නිසා ඒවා නිසි ලෙස පෝෂණය වේ. හිසට තෙල් ආලේප කිරීම සහ නිවැරදිව ශීර්ෂ සම්භාහනය කිරීම මගින් මෙම රුධිර සංසරණය තවත් වැඩි වී, කේශ මූල ශක්තිමත් වීමට උපකාරී වේ.
සාමාන්යයෙන් මනුෂ්ය හිසක කෙස් ලක්ෂ 1 – 1½ අතර ප්රමාණයක් පවතින අතර, දිනකට කෙස් 50 – 100 පමණ වැටීම ස්වභාවික වේ. නමුත්, අධික ලෙස කෙස් වැටීම සිදු වුවහොත් එය සෞඛ්ය ගැටලුවක් ලෙස සලකා බැලිය යුතුය. මෙවැනි තත්ත්වයන් වළක්වා ගැනීමට හිසට නිතිපතා තෙල් යෙදීම වැදගත් වේ.
අධික හිරු රශ්මිය, උණු හෝ ඉතා ශීත ජලයෙන් නිතර ස්නානය කිරීම, රසායනික ද්රව්ය අඩංගු හෙයාර් ජෙල්, ක්රීම් සහ ඩයි වර්ග භාවිතය වැනි කරුණු නිසා හිස් කබලේ සම වියළි වී කේශ මූල දුර්වල විය හැක. එමෙන්ම, මානසික ආතතිය ද කෙස් වැටීමට බලපාන ප්රධාන හේතුවක් වේ. මෙවැනි අවස්ථාවල ආයුර්වේදීය තෙල් වර්ග භාවිතා කිරීම ඉතා ප්රයෝජනවත් වේ.
ත්රිපලා තෛලය, භෘංගාමාලක තෛලය, කුමාරී තෛලය වැනි ඖෂධීය තෙල් සතියකට වරක් හෝ දෙවරක් හිසට යෙදීම මගින් කේශ මූල ශක්තිමත් කර ගැනීමට හැකිවේ. එමෙන්ම, පෝෂණයෙන් සම්පන්න ආහාර පාන ලබා ගැනීමද කෙස් සෞඛ්යය සඳහා අත්යවශ්ය කරුණකි.
ඉතින්, හිස තෙල් ගෑම යනු සරල සෞඛ්ය රැකවරණ ක්රියාවක් පමණක් නොව, අපගේ සංස්කෘතියේ අගනා උරුමයක් ද වේ. එහි සැබෑ අරුත වටහාගෙන, සිංහල අලුත් අවුරුද්දේ එකම වේලාවක රටම එක්ව කරන මෙම චාරිත්රයට සහභාගී වීම අපගේ සම්ප්රදාය ආරක්ෂා කිරීමක් මෙන්ම සෞඛ්යය රැකගැනීමක් ද වේ.
Neelyadhi Hair Growth Oil 100ml (නීල්යාධි හිසකෙස් වර්ධක තෛලය)
https://ayurvedaya.com/collections/products/products/ayurvedic-head-massage-oil
Price: Rs.3950.00
Brungamalaka Head Massage Oil 100ml (බෘංගාමලක තෛලය)
https://ayurvedaya.com/collections/products/products/brungamalaka-hair-oil
Price: Rs.3950.00
