18/08/2026
قبل ما تعملى البليلة أسمعى منى الكلمتين دول👌👌
لو بتحبي البليلة وبتكسلي تعمليها كل مرة، جربي الطريقة دي وهتفرق معاكي جدًا 👇
🌾 هاتي كيلو قمح بليلة، نقيه واغسليه كويس جدًا، وبعدها أغمريه بالمياه وسيبيه منقوع حوالي ساعتين.
💧 صفيه من مياه النقع، وحطي القمح في حلة، وضيفي فتجان رز مغسول؛ الرز بيساعد إن الميه يبقى ليها قوام حلو.
🥣 أغمري القمح بالمياه بحيث تكون كمية المياه تقريبًا مناسبة لكمية القمح في الحلة.
🔥 حطي الحلة على النار، ولما تبدأ تغلي سيبيها 10 دقايق فقط، وبعدها اقفلي النار وغطي الحلة كويس.
⏰ سيبيها كام ساعة وهي مغطاة، وهتلاقي القمح شرب الميه ونفش وكمل تسويته 👌
🛍️ بعد ما تبرد، قسميها في أكياس أو علب بالحجم اللي يناسبك وحطيها في الفريزر.
🥛 ولما تحبي تعمليها، طلعي كيس وزودي عليه لبن + سكر + فانيليا حسب ذوقك، وبكده عندك بليلة سريعة وجاهزة للفطار أو العشاء 😋❤️
✨ بتوفر وقت ومجهود، وبتخلي البليلة موجودة عندك وقت ما تحتاجيها.
ربنا يبارك لكم في بيوتكم وأرزاقكم، ويحسن ما بين أيديكم ويرزقكم الخير والبركة دائمًا 🤲❤️
💬 مين بتحب البليلة وبتعملها بالطريقة دي؟ 😍
صلوا على الحبيب المصطفى
