17/10/2022
زمان كلنا ماكناش نعرف الا المطبخ الخشب ومكنش فيه خيارات ولا نعرف غيره ،، وبعده ظهر المطبخ الالمونيوم وكلنا استغنينا عن المطبخ الخشب وفضلنا الالمونيوم ولكن حاليا انتشرت انواع كتيره جعلتنا ف حيرة أيهما نختار ، المطبخ الخشب ( طبيعي ولا صناعي ارو او زان او عزيزي ) ولا المونيوم او خشمونيوم ولا الكلادينج ( اكريليك ولا بولي لاك ولا HPL ، ولا ......) دا غير أن أحياناً السعر بيحكمنا لكن في بعضنا بيدور على الجودة بعض النظر عن السعر .
_ ف البوست دا هنوضح الخامات الموجودة ف السوق للمطابخ مع مميزات وعيوب كل خامه..
✓ الخشب.
* مميزاته:
- سهل التشكيل.
- شكله جميل بسبب التجزيعات الموجوده فيه.
- ممكن ندهنه لاكيه.
- متين، وقوة تحمله عالية في حالة استخدام خشب الأرو، الزان.
- نظرا لان الخشب غالي جدا، فبنعمل الضلف من الخشب والجوانب من الكونتر، او بيتم تصنيعها من ال MDF.
* عيوبه:
- الخشب من الخامات الغاليه.
- عشان اعالج الخشب ضد الحرارة او الرطوبه بيكلفني كتير جدا.
- بيتأثر بالماء بمرور الوقت ويجذب الفطريات.ّ
✓ الألومنيوم.
* مميزاته:
- خامه خفيفة.
- سهل التنظيف.
- مقاوم للماء.
- رخيص في التكلفة.
* عيوبه:
- بما ان الالومنيوم خامه خفيفه، فأي خبطه فيه بتعلم وبتطبق.
- علي الرغم من انه خامه عمليه، لكن شكله غير محبب لدي البعض.
- عشان الخامه الومنيوم والمفصلات ميتال، فمع الفتح والقفل المفصلات بتتفكك.
- لا يوجد مجال كبير في تشكيل ابواب الوحدات، فأغلب الابواب تكون مسطحة.
✓ الخشمونيوم.
دا الشكل بتاع الخشب في خامة الالومنيوم، لكن اقوي لان القطاع بتاعه فيه 2 شيت
المطبخ الخشمنيوم هو الومينيوم
(الجسم الخارجي) مرشوش خشمنيوم
والجسم الداخلي(الحشو)أما فيبر اوزجاج
* مميزاته:
- خامه متينه.
- سهل التنظيف.
- شكلها لطيف.
* عيوبه:
- تكلفته عاليه.
- لو متركبش كويس وفي مكان موثوق به، المفصلات هتتفكك بالاستخدام المتكرر.
✓ الأكريلك.
ودي عباره عن ماده صناعية مقاومة للماء، بنكبسها علي الواح مصنوعه من ال MDF.
* مميزاته:
من أهم ما يميز المطابخ الأكريليك اللمعان الشديد والتي بمجرد النظر لبريق المطبخ يمكنك التفرقة بينه وبين الألوميتال ومن أهم مميزات الأكريلك انه لا يتأثر بالأبخرة ولا درجات الحرارة المرتفعة، يعطي للمطبخ شكل عصري مختلف لمحبي المودرن.
- سهل التنظيف.
* عيوبه:
- بيبصم.
- اذا تم خدشه لايمكن علاجه.
لا يمكن تصنيع مطبخ كامل من الأكريلك فقط بل يدعم من الخلف بطبقة خشبية ويمكن للحشرات التواجد بسهولة بين الطبقة الخشبية كذلك يمكن مع تبلل الخشب أن يضخم حجمة ويبتعد عن الطبقة الأكريليك وهو يدمر شكل المطبخ كلياً لذا يجب التدقيق في نوعية الأخشاب الملاصقة لطبقة الأكريليك
✓ ال PVC.
يغطي ال MDF بطبقة من ال PVC عن طريق الكبس الحراري، للحصول علي اشكال والوان مختلفة.
* مميزاته:
- ممكن نعمل منه الوان كتير.
- مقاوم للحرارة والرطوبه.
- سهل التنظيف.
- مقاوم للخدش.
* عيوبه:
- ممكن تتآكل مع الوقت.
✓ ال HPL.
وهى تحديث لخامه الفروميكا
اختصار ل high pressure laminated
وهى عباره عن شيتات مستورده من المانيا والهند وتركيا وهناك ما يصنع فى مصر
وافضلها المانى والهندى
ومن الممكن ان تكبس على خشب كونتر او خشب صناعى MDF
لا توجد خامه ضد الخدش كام يقول البعض هناك خامات مقاومتها للخدش عاليه
* مميزاته:
- ملمسه يشبه ملمس الخشب، وكذلك درجات الوانه هي درجات الوان الخشب الطبيعي.
- سهل التنظيف.
- ضد التبصيم.
- متانته عاليه وبيتحمل درجة حراره تصل الي 180 درجة مئوية.
ومقاوم للبكتيريا.
* عيوبه:
- اذا لم يتم تركيبه بعنايه وفي مكان موثوق به ستتفكك مفصلاته بالاستخدام المتكرر نتيجة كبسه علي ال MDF.
- مط .. اي ليس به نسبة لمعان.
✓ البولي لاك.
الخامه دي ظهرت سنة 2015.
البولي لاك منتج عالي الجودة من إنتاج
شركة Gizir الرائدة في مجال
صناعة المنتجات الخشبية.
ألواح الديكور من السهل الحصول علي لمعان مرتفع ولكن كلما زاد اللمعان كلما قلت المقاومة للخدش, بينما البولي لاك بعد تطبيق الفحوصات أثبت أنه يتميز بدرجات لمعان مرتفعة جداً ومقاومة عالية جداً للخدش في نفس الوقت
“والبولي لاك عبارة عن ألواح صديقة للبيئة تُستخدم للديكور وتتألف من عدة طبقات, تتسم بمعدل عالي لمقاومة الحراره
* مميزاتها:
- تتحمل درجة حرارة تصل الي 140 درجة مئوية.
- مقاوم للخدش بدرجة عالية (بمعامل يساوي 3 نيوتن).
- مكبوس علي الواح معامل كثافتها عالي (720)، في الوقت اللي كثافة الخشب الزان فيه (690) ودا يعتبر اكتر خشب طبيعي كثافته عالية.
- درجة الوانه خشبيه وتصل درجة لمعانه الي 99%.
- حاصل علي شهادة الايزو (9001).
- الوحيد من المنتجات الخشبية المغطي بطبقة من PET Film التي تستخدمها شركة نستله لانتاج عبوات المياه حفاظا علي الصحة العامة.
- متوفر منه 26 لون معظمها الوان خشبية.
- المنتج الاعلي مبيعا لعام 2015 حتي منتصف 2016.
من ضمن عيوبه الاساسيه انه مكبوس علىM.D.F خشب صناعى وسعره عالى
✓ اللامي جلاس.
هو أحدث التجاليد الخارجيه، اصدار عام 2017
وهو من إنتاج
شركة 5K
يتميز بالوانه الزاهيه المتعددة والتي وصلت حتي 65 لون وهو المنتج الأول من خامات المطابخ من حيث توافر عدد الألوان متنوعة بين السادة والخشابي والرخاميات
* مميزاته:
- درجة لمعانه 92%.
- متوفر منه 65 لون متنوع بين الساده والخشبي والرخامي.
- حاصل علي شهادة الايزو (14001-18001).
- قوة تحمل الصدمات والخدش عاليه تصل ل 4 نيوتن.
* عيوبه:
عدم قدرته علي تحمل درجات الحراره العاليه لوقت طويل
